忽然起感冒鼻水流不停，即刻整番支特濃版薄荷膏止鼻水通鼻塞，順便修復吓包雲吞包到又乾又紅嘅鼻哥，加入羅文莎葉精油可以增強呼吸系統兼抗病毒，預備定用嚟旁身都唔錯！
做法 (1支份量)：
1. 白蜜蠟 1g，加熱煮溶。 2. 加入有機聖約翰草浸泡油 5g，繼續加熱至全部溶化。 3. 加入薄荷腦0.5g及羅文莎葉精油10滴，攪拌至完全溶化及混合。可加1滴維他命E及一滴紅沒藥醇。 4. 注入唇膏管內待冷卻凝固。
＊如果做俾小朋友用，薄荷腦及精油份量減半。
